كيك الفواكه الحمراء

خطوة 1

glacage
-نضع الجيلاتين في الماء البارد و نعمل الكريم والسكر والجليكوز فوق النار حتى يبدأ في الغليان نطفي النار نضيف الشكلاط نخلط مزيان ثم نعمل الجيلاتين ونحرك حتى يدوب ونلون على حسب الرغبة نخليه حتى يبرد مزيان من غير ماندخلوه التلاجة غي برا ونزين به جميع أنواع الحلويات

خطوة 2

نعمل الجيلاتين في الماء البارد نطحن الفواكه مع السكر والقليل من الماء نحصل على كولي الفواكه نعملو في الصفاي باش نزولو البقايا

خطوة 3

نعمل الخليط في كاسرونة يسخن مزيان من بعد نضيف عليه الجيلاتين 3 ورقات ونخلط الكل ونخليه حتى يبرد مزيان من بعد نجيب القشدة الطرية مضربة ونعمل معها كولي الفواكه ونخلط

خطوة 4

نأخد مول يفتح نضع قطعة الجنواز نسقيها شوي ونذهن بالقليل من مربى الفراولة

خطوة 5

نصب فوقها خليط القشدة وندخلها المجمد 3 ساعات

خطوة 6

من بعد نفتح الإيطار ونضع الكيكة فوق شبكة ونعمل فوقها glacage وندخلها التلاجة مدة 6 ساعات ونزينها بقطع الشكلاط 

خطوة 7

الأبيض في الجوانب والوجه نزين ببعض من الفواكه الحمراء

خطوة 8

ملاحضة ممكن وضع الفواكه وسط الكيكة أيضا أنا لا أحب قطع الفواكه بالداخل لذلك لم أعمل